Нашите барања се: заштитна цена 200 денари. Под таа цена не може да го дадеме. Тој што сработил квалитетен тутун, да му се плати. Не бараме повеќе, туку да се плати според тоа што вреди. И да се откупи целокупниот род, не само спроед договорите. Некој има 1000 килограми, а договорот е за 800. Каде ќе го носи остатокот? Бидејќи е ковид-криза, властите нека го решат веднаш проблемот, а не да дозволат масовно да се собираме бидејќи ќе преземеме порадикални мерки. Маката нема да ја дадеме за ништо. Треба да се укинат четвртата и дополнителните класи, а другото да се цени според квалитетот. Државата мора да си најде механизам да не заштити. Од пратениците бараме под итно законски решенија да нѐ заштитат. Прилеп живее од тутунот, целото стопанство е поврзано, рече Мирчески.
Тутунарите инсистираат на реална процена и на поддршка од Сојузот на земјоделските здруженија.
Тутунарите побараа поддршка од сите земјоделски здруженија и напоменаа дека нив не ги организира ни една политичка партија туку ги организирала заедничката мака.
