Едногодишно или двегодишно растение.Стеблото високо, мазно, а листовите наизменични и пердувести. Во средина жолта главица со стрнични бели ливчиња. Во природата се наоѓа во житото,лозјата, ливадите и на многу други места и расте на сите типови почва. Добра медоносна култура е. Се сее на есен или пролет. Се сеат само квалитетни сорти кои содржат високи количини есенцијални масла.
Во народната медицина се користи од памтивек.Се користи за чај, или правта то цветовите. Се користи при главоболки,боли во зглобовите и помага за подобро мокрење. Правта се препорачува кај преморување од долготрајна интелектуална работа. Се применуваат и облоги од камилица кај женските болести, или се користи за плакнење на половите органи. Во облик на тинктура се користи се користи за средување и обновување на менструалниот циклус.
Во продолжение неколку начини како да ја употребите оваа лековита билка:
Чај против настинка (најупотребуваниот начин)
Една супена лажица камилица се става во подлабок сад, се прелива со шоља топла вода и се остава да одстои 10 мин. Вака подготвениот чај веднаш се употребува. На истиов начин се употребува против грчеви и болки во стомакот, само што се пие 2-3 пати во денот.
Чај против запек
Мешавината ја сочинуваат 25гр. камилица, 25 гр. морач (сладок анасон), 25 гр. ким и 25 гр. цвет од магарешки трн. Една лажичка од оваа мешавина се вари во 200 мл вода. Изладениот чај се засладува со мед и се пие 2-3 пати дневно.
Чај против чир во желудник
Се прави мешавина од 20 гр камилица, 20 гр корен од црн слез, 20 гр корен од бел слез, 20 гр маточина и 20 гр русомача (овчарска торбичка).Една лажица од мешавината се меша со шоља чај од камилица и со повремено промешување се остава да одстои 1 час. Се процедува и се пие по 1/2 шоља половина час пред јадење.
Течност за плакнење на косата
25 гр камилица се потопува во 1/2 л зовриена вода, потоа се поклопува и се остава да одстои 10 минути. на процедената течност и се додава сок од 1 лимон. Со течноста се плакне косата и се масира коренот. Добра е за јакнење на коренот на косата затоа што станува мека и сјајна. Се препорачува ова да се повторува барем еднаш месечно.
