Козјото млеко помага во борбата против КОВИД-19! За корисните својства на козјото млеко се знае од претходно, но неодамнешното откритие ја прави оваа храна уште повредна.
Новото откритие го објавија јавно научниците во Турција, кои велат дека протеин пронајден во козјо млеко може да се бори против вирусот, кој ја обиколи целата планета.
Според студијата на тројца професори на Универзитетот Мармара во Истанбул и објавена во Европскиот журнал за фармакологија, откриен е бета-лактоглобулин протеински пептид кој може да дејствува како бариера против САРС-CoV-2.
„Преку компјутерски програми забележавме дека пептидите комуницираат со сите точки на врзување на вирусот. „Овој протеин ги блокира рецепторите, спречувајќи вирусот да влезе во човечкото тело“, се вели во соопштението на истражувачите. Експертите дури рекоа и дека овој протеин може да се користи во борба против КОВИД-19, поточно заштитниот протеин може да се користи во лекови како што се спрејови за нос.
Сепак, еден од истражувачите, Тунали Акбај, рече дека откритието не треба да се меша со потрошувачката на козјо млеко. „Не можеме да ги искористиме овие биоактивни пептиди со конзумирање козјо млеко. Овие пептиди ги добиваме со лабораториска преработка на протеинот добиен од козјото млеко “, рече турскиот научник.
