Производството на млеко во Австралија се враќа откако доживеа драматичен пресврт годинава поради обилните дождови и одличната испаша. Ефектите од овој тренд на пазарот се очекува да се почувствуваат уште повеќе следната година.
По две години екстремна суша, Австралија се враќа на глобалниот пазар на млечни производи. Според проценките, се предвидува производство на млеко да се зголеми за 6% до 2021 година.
По ЕУ, Нов Зеланд и САД, оваа земја е еден од најголемите светски извозници, пред се на најпосакуваниот пазар за многумина, Кина и Југоисточна Азија.
Растот на извозот од таа земја може да влијае на светските цени на млекото.
Причината за зголемувањето е добрата сезона на пасење
Производството на млеко таму доживеа драматичен пресврт оваа година поради обилните дождови и одличната сезона на пасење во Источна Австралија. Ефектите од овој тренд на пазарот се очекува да се почувствуваат уште повеќе следната година.
За 2021 година се предвидени 9,4 милиони тони, што е зголемување за 6% во споредба со 2019 година. Значително закрепнување во производството на добиточна храна во пролетта оваа година ќе ги надополни резервите до следната година. Со високи резултати од бербата на жито и падот на цените, подобра достапност на вода и пониски трошоци за наводнување, производството на млеко може да достигне нивоа пред сушата следната година.
Покрај тоа, бројот на млечни крави во таа земја ќе се зголеми на околу 1,45 милиони животни до следната година. Се очекува преработувачката индустрија да продолжи да му дава предност на сирењето пред другите производи. Ова е траен тренд што се манифестираше во последните пет години.
Извозот се зголеми за 4%
Извозот на млеко се предвидува да достигне околу 265,000 тони во 2021 година, што е за 4% повеќе од 2020 година. Така, трендот на раст е континуиран, и покрај нарушувањата во трговијата предизвикани од пандемијата на коронавирус оваа година.
Важен фактор е што главните трговски партнери за оваа австралиска суровина (Кина, Хонг Конг, Сингапур и Виетнам) се опоравија од ефектите на Ковид-19 побрзо од многу други пазари. Имено, Малезија и Филипините се другите две главни дестинации, сочинуваат околу 17% од вкупниот извоз, и покрај големите потешкотии со пандемијата, двете земји го зголемија увозот и не покажуваат знаци на нарушување на трговијата.
За повеќе корисни информации посетете ја рубриката Агро вести, како и социјалните мрежи на Facebook и Viber.
