Качамак традиционален здрав оброк кој за жал се поретко се спрема.
Потребни состојки:
- 1 кг. пченкарно брашно
- 1 лажица сол
- 100 гр. путер
- 100 мл. масло
- 2½ л. вода
Начин на подготовка:
Во длабок сад се става водата да зоврие.
Откако ќе зоврие, се додава солта и потоа внимателно се става во неа брашното. Со тенко сукало се прават повеќе дупчиња во брашното и се остава да се вари на тивок оган околу еден час и триесет минути, без мешање.
Откако ќе се свари, се меша со сукалото со кружни движења, потоа се додава претходно загреаниот путер и маслото, па одново се промешува, сè додека убаво не се иситни.
На крај, по желба, може и да се потпече во рерна.
Истово може да се подготви и посно, доколку се стави масло или маргарин наместо путер.
Прилог:
Со ова јадење обично оди во прилог сирење, кисело млеко или јогурт и варено јајце, освен во посни денови.
За повеќе корисни стории посетете ја страната на zemjodelie.mk, како и Земјоделските групи на Facebook и Viber.
