Инфективен пилешки бронхитис се јавува кај кокошки од сите возрасти. Се јавува и кај пилиња на возраст од 2 дена до 6 недели.
Што предизвикува бронхитис кај кокошки?
Предизвикувачот е вирус, а извор на болеста се заразените пилиња, нивната слуз при кашлање и кивање, кокошки што несат и инфицирани јајца.
Болеста брзо се шири низ воздухот (капки) од една до друга фарма. Потоа преку контаминирана храна, вода и заразени јајца, а нејзиното појавување е фаворизирано од неповолните услови за во живеалиштето.
Како да го препознаете?
Може да се забележи собирање на кокошките околу извор на топлина, кашлање, отежнато дишење со отворен клун и со испружен врат. Потоа се забележува тромавост, клечење и умирање на пилиња помлади од 6 недели. Болеста кај младите кокошки е краткотрајна и пофатална отколку кај постарите, кај кои симптомите се поблаги. Болеста може да потрае од 3 до 4 недели.
Оваа болест не е за занемарување заради големиот број смртни случаи на кокошки на возраст до 6 недели (до 80%), намален раст и намалено производство на јајца.
Превентива
Превенција: вакцинирајте ја живината на време. Доколку дојде до разболување, чувајте ги кокошките и пилињате во карантин.
За повеќе корисни стории посетете ја рубриката Агро совети, како и нашите социјални мрежи Facebook и Viber.
