Тел: +38975383796 Е-пошта info@zemjodelie.mk

29.8 C
Skopje
Wednesday, July 6, 2022

More
    домаАгро советиЛуцерка, црвена и бела детелина за квалитетно млеко

    Луцерка, црвена и бела детелина за квалитетно млеко

    Истражувањето открило: луцерка, црвена и бела детелина придонесуваат за квалитетно млеко. Студија која ја започна „Dairy Australia“, национално официјално тело на млечна индустрија во Австралија, открила придобивки од хранењето животни со луцерка, црвена и бела детелина врз основа на чиста диета базирана на трева. Го зголемуваат производството на млеко и цврсти материи, истовремено намалувајќи ги емисиите на метан.

    Една од целите на истражувањето беше да се откријат алтернативи за добиточна храна кои ќе ја надополнат употребата на вообичаената исхрана на млечните фарми во Јужна Австралија.

    Повеќегодишните билки како црвена детелина и луцерка се посоодветни да растат во услови на суша. За разлика од повеќето повеќегодишни треви и нивната хранлива вредност е помалку погодена.

    Сеење луцерка

    Повеќето експерти советуваат да се направи анализа на почвата пред да се сее луцерка. Овој вид не толерира кисели почви со висока содржина на алуминиум. Кога сеете, семето треба да биде покриено со 1,2 сантиметри почва . Користењето ролери по сеидбата помага да се постигне добар контакт помеѓу семето и почвата на полесни почви.

    Полжавите предизвикуваат големи проблеми со луцерката. Тие ја десеткуваат оваа култура и ново посеаните пасишта и посеви. Факторите што ја забрзуваат акумулацијата на полжави се тешките типови на почва , летните дождови и намалената обработка.

    квалитетно млеко
    Луцерка

    Црвената детелина ја зголемува плодноста на почвата за идните култури

    Оваа култура е слична на луцерката во поглед на летното производство, прилагодливоста кон условите и високата хранлива вредност во текот на целата година.

    Неговата голема предност е азотна фиксација (процес со кој азотот од атмосферата се претвора во амонијак или други молекули достапни на живите суштества). Дури и ако земјоделците не го користат за пасење животни , тоа е корисно за зголемување на плодноста на почвата за идните култури. Во многу случаи ја задржува влагата , а плевелите немаат големи шанси за раст.

    Таа е доста отпорна на суша, но дава најдобри резултати во умерените области со годишни врнежи од околу 700 милиметри. Најдобро време за сеење е пролет или есен. Расте добро со други тревни треви на пасишта, па затоа е погодна за мешано пасење.

    Црвената детелина треба да се сее на длабочина до 6,5 милиметри. Препорачливо е pH вредноста на почвата да биде над 6.
    Кога станува збор за исхраната на животните, како самостојна култура повремено може да предизвика надуеност кај животните , особено кога се користи како сено. Од таа причина, повеќето земјоделци ја комбинираат со трева.

    Црвена детелина

    Белата детелина брзо се размножува

    Според „Dairy Australia“, белата детелина обично се сее во мешавина со повеќегодишни растенија. Поради својот плиток коренов систем, белата детелина е чувствителна на летни суши, бидејќи не може да достигне доволно влага.

    Сепак, дури и по потешки суши, белата детелина има можност повторно да се појави од семето. Со тоа и да придонесе за зголемување на хранливата вредност на пасиштата. Кога има влага во горните делови на почвата во пролет или лето, белата детелина е во можност да се регенерира од семето и брзо да се размножува.

    Бела детелина

    За повеќе корисни стории посетете ја рубриката Агро совети, како и нашите социјални мрежи Facebook и Viber. 

    spot_img
    spot_img
    spot_img
    spot_img
    spot_img