До 2024 година ќе бидат лансирани 7 нови сателити фокусирани исклучиво на земјоделството. Детална временска прогноза, податоци за плодоред, следење на проблематичните области, споредба на растот, проценка на влага во почвата. Ова се само некои од придобивките на сателитските снимки.
Надзорот на земјоделско земјиште е една од клучните цели на новата инвестиција во сателитска технологија. Планирано е да ја реализира EOS Data Analytics (EOSDA), компанија која се занимава со анализа на сателитски слики. Седум оптички сателити EOS SAT ќе бидат лансирани во ниската орбита на Земјата до 2024 година. Нивната функција ќе оди од директна колекција фотографии до нивна обработка, анализа и испорака.
Ќе испорачаат слики со резолуција од 1,4 m (панхроматска) и 2,8 m (мултиспектрална) со ширина од 40 km на секои три дена преку 11 спектрални канали. Така прецизно ќе ја покаже состојбата на одредена земја.
Ова ќе биде прв проект од ваков вид ориентиран кон земјоделството. Има за цел да помогне во справување со горливите глобални предизвици, како што се климатските промени, деградација на земјиштето, закани за животната средина и други.
„ Зајакнувањето на производството на храна во ера на брзи климатски промени ќе бара почитување на принципите на одржливо земјоделство “. Без сигурни податоци и анализа, таа цел е скоро невозможно да се постигне.
Придобивките ќе бидат огромни
Слики со висока резолуција – неколку пати повисоки од оние што во моментов се користат во земјоделството. Потоа VRA алатки, детална временска прогноза, податоци за ротација на земјоделски култури, следење на проблематичната област, здравје на посевите, споредба на растот, проценка на влага во почвата, се само некои од придобивките на сликите.
Првите сателити се предвидува да бидат лансирани на почетокот на 2022 година. Потоа и останатите во дополнителните ажурирања на хардверот со текот на годините.
На веб-страницата на ЕОСДА се истакнува дека 6.500 земјоделци веќе користат дел од нивните производи. Тие опфаќаат 4.000.000 ха полиња низ целиот свет, што е, на пример, големината на Швајцарија.
За повеќе корисни стории посетете ја рубриката Агро вести, како и нашите групи на Facebook и Viber.
