Што се случува со сточарството во Германија? Се воведуваат нови даноци, паѓа потрошувачката на месо. Нашето општество бара подобра грижа за животните, како и нашите сточари. Но, исто така чини пари, рече локалната министерка за земјоделство, Julia Klöckner, додека паѓа потрошувачката на месо.
Германските земјоделци стравуваат дека ќе бидат изложени на нелојална конкуренција. Причината е новиот данок на добиток, како дел од промовирање на благосостојбата на животните.
„ Нашето општество сака подобра грижа за животните, како и нашите сточари, но тоа чини пари “, рече локалната министерка за земјоделство, Julia Klöckner. Со овие зборови, таа ја бранеше можноста за преструктуирање на добитокот во таа земја. Нагласи дека економската ефикасност мора да оди рака под рака со поголема грижа за добитокот.
Тоа е исто така приоритет на Европската унија, дел од реформата на Заедничката земјоделска политика (ЗЗП), како и водечката стратегија “Од фарма до вилушка”, чија цел е да обезбеди поздрав и поодржлив систем на храна. Воведувањето на Европската етикета за благосостојба во декември беше договорено и од 27 министри за земјоделство на ЕУ. Но, зголемувањето на стандардите има и цена.
Кликнер разгледува неколку предлози за тоа како да се преструктуира и финансира добитокот. За таа цел, таа нарача студија која покажува дека ќе им бидат потребни 2,9 милијарди евра до 2025 година и 4,3 милијарди евра до 2030 година.
Иако германската влада ќе одвои 300 милиони евра за да ја постигне оваа цел, тие планираат да го покријат недостигот со повисок данок на продажба на производи од животинско потекло. Ќе се воведат дополнителни даноци и директни плаќања преку ЕУ.
Евтиниот увоз е исто така закана
Кога станува збор за новата ЗЗП , законодавците се надеваат дека 30 проценти од директните плаќања ќе бидат наменети за еко-шеми или поддршка на земјоделците да преминат на позелени практики. Сепак, авторите на студијата веруваат дека доколку вклучат благосостојба на животните, ЗЗП би се пренасочила кон заштита на животната средина и климата.
Германското ресорно министерство предупреди дека иако би сакала земјата да стане европски лидер по ова прашање, примената на построги стандарди за земјоделците таму мора да биде оправдана. Ова значи дека националната ознака треба да остане доброволна. Не треба да изразува никакви фаворизирања за производи со германско потекло, за да не се оштетат оние домашни производители кои ја немаат.
Ова државно тело коментира дека едностраното подигање на стандардите без поддршка на домашното земјоделство може да доведе до увоз на поевтини производи. Тие исто така се надеваат дека потрошувачите ќе бидат подготвени да платат повеќе за вакви производи.
Паѓа потрошувачката на месо
Кога станува збор за оваа европска земја и трендовите што се случуваат таму, Федералниот центар за земјоделство објави информација дека потрошувачката на месо по глава на жител таму паднала на најниско ниво во последните неколку децении.
Со 57,3 килограми по глава на жител, потрошувачката во 2020 година е најниска од кога почнаа да се собираат податоци во 1989 година. Таа е за 750 грама помала отколку во претходната година.
Потрошувачката на свинско месо падна за 940 грама по глава на жител. Ова е најсилен пад во сите категории на овој вид храна. Потрошувачката на говедско и телешко месо е намалена за 40 грама. Само потрошувачката на живина се зголеми, за 180 грама по глава на жител.
Според агенцијата dpa , главната причина е свеста на граѓаните за влијанието на производството на месо врз животната средина.
Исто така, падна и производството на оваа храна во таа земја. Во 2020 година тие забележаа околу 8,5 милиони тони, што е за околу 1,6 проценти помалку отколку во 2019 година. Исто е и со увозот и извозот, но и како резултат на пандемијата.
Tönnies Holding на продажба
Оваа недела се појавија и информации дека сопствениците на Tönnies Holding, планираат да ја продадат компанијата. Тоа е најголемата кланица и фабрика за преработка на свинско месо. Наводно сака да се развива на вегетаријанскиот и веганскиот пазар.
Вредноста на оваа компанија може да се процени на дури 4 милијарди долари. Преговорите со потенцијалните понудувачи може да започнат во следните неколку недели. Станува збор за американската месна индустрија Тајсон фудс, бразилската компанија ЈБС СА и кинеската групација WH.
За повеќе корисни стории посетете ја рубриката Агро вести, како и нашите групи на Facebook и Viber.
