Кога мислиме на домашни јагоди, најлесниот и најевтиниот начин е да ги одгледувате во вреќите со кои одите на шопинг. Сè што ви треба се јагоди, земја и пластична кеса со кои одите на пазарот за време на викендите. Потребни ви се околу половина час за целиот процес, и на крајот добивате многу вкусно овошје за само неколку месеци. Еве како да одгледате јагоди во пластична торба.
Ако никогаш не сте пробале свежо обрана јагода, исто е како никогаш да не сте пробале јагода. Едноставно, не можеме да го замислиме летото без овој деликатес. А, оние што самите ги одгледуваме се многу повкусни од оние што ги купуваме во самопослуга или супермаркет. Откако ќе ги вкусите домашните плодови од ова овошје, ќе се сетите зошто толку многу сакате јагоди.
За да одгледувате јагоди во пластична торба, ви требаат:
- Од 6 до 8 садници од ова овошје;
- Почва или мешавина од почва, компост и ѓубриво за садење;
- средство за прихранување на домати, бидејќи е богато со калиум и помага при раст на растенија во саксии;
- Пластична торба за купување и
- Маса или дрвена кутија на која ќе стои оваа необична саксија.
Подготовка на пластичната торба и садење на јагодите
Направете неколку дренажни дупки на дното на вашата торба со ножици. Направете две хоризонтални кројки долги 6 см од сите страни, а треба да направите вкупно 8 вакви резови. Постепено истурете ја почвата за садење во вреќата до првиот отвор. Како што додавате, така збивајте ја почвата за да добиете на цврстина.
Кога ќе ја наполните торбата до првиот отвор, засадете една жила. Повторете го процесот додека не засадите сè. Кога садите, проверете дали коренскиот систем е добро покриен со земја и не е надвор од вреќата. Оставете 5 см празни од горниот дел на торбата и последен пат збијте ја земјата.
Поставете ја вреќата со растенијата на маса или во кутија така што да е оддалечена барем половина метар од земјата. Ова ќе спречи валкање на овошјето и оштетување од штетниците.
Одгледување јагоди во пластична торба
Редовно наводнувајте ги, но така што целата почва е подеднакво влажна. Ако имате проблем со навлажнување на земјата, можете да ја натопите торбата во контејнер со неколку сантиметри вода и да ја оставите така само неколку часа.
Прихранувајте ги јагодите еднаш неделно следејќи ги упатствата. Кога треба да одлучите каде да ја поставите торбата, изберете место каде што јагодите ќе бидат изложени на сонце најмалку 6 до 8 часа. На секои неколку часа, треба да ја ротирате торбата за 180 степени, така што сите садници ќе добијат иста количина на светлина.
По појавата на првите цветови, можете да ги очекувате плодовите за две недели. Кога сезоната ќе заврши и јагодите повеќе не даваат плодови, не ја фрлајте торбата. Чувајте ја на место што не се загрева и каде што нема мраз за да не замрзнат јагодите и полевајте ги еднаш месечно. Извадете ја торбата на сонце следната пролет и јагодите повторно ќе дадат плод.
За повеќе корисни стории посетете ја рубриката Агро совети, како и нашите социјални мрежи Facebook и Viber.
