Циметот содржи цинамалдехид, соединение кое на зачинот му дава својствен мирис и вкус, како и здрави својства. Студиите покажуваат дека има антимикробно, антиинфламаторно, антидијабетично, антиканцерогено дејство. Но, иако циметот е здрав, не се препорачува за секого.
Помага и при слабеење, но и во борбата против акните.
Дијабетес
Циметот има значително влијание врз шеќерот во крвта. Дијабетичарите кои земаат лекови за контрола на шеќерот во крвта треба да избегнуваат големи количини цимет. Иако студиите покажуваат дека овој зачин може да го намали шеќерот во крвта, земањето големи количини може да има негативни ефекти.
Разговарајте со вашиот лекар пред да го земете како додаток. Употребата во рецепти и попрскувањето на пијалоци е сосема во ред.
Алергии
Некои луѓе се алергични на цимет или предизвикува иритации на кожата и устата. Ако се појави иритација, престанете да користите производ кој содржи цимет. Исто така, кумаринот, состојка која се наоѓа во некои производи од цимет, може да предизвика проблеми со црниот дроб доколку се јаде во големи количини.
Губење на тежина
Можеби сте виделе текстови кои зборуваат за неговата способност да ви помогне да изгубите тежина. Иако е точно дека зачинот може да помогне во намалување на гликозата во крвта и да ви помогне да го намалите додадениот шеќер. Сепак, циметот нема магично да ви помогне во слабеењето.
Ефектот на циметот врз кожата
Козметолозите зборуваат за придобивките од користењето маски за лице од цимет. Тие наведуваат дека маските од цимет имаат антибактериски својства и се ефикасни во расчистувањето на акните со уништување на бактериите што ги предизвикуваат. Зачинот има антибактериско дејство, но не го користете низ целото лице, бидејќи може да предизвика иритација, особено на чувствителната област околу устата и очите.
За повеќе корисни стории посетете ја рубриката Агро совети, како и нашите социјални мрежи Facebook и Viber.
