Огромна дупка оштети неколку полиња и сега се заканува да проголта фарма во Мексико. Властите се обидуваат да откријат зошто првенствено се појавила.
Фрапантни фотографии ја покажуваат осамената фарма која се наоѓа на самиот раб на масивната дупка, исполнета со вода во руралната заедница Santa Maria Zacatepec.
Дупката била со дијаметар од само пет метри кога првпат се појавила во саботата. За брзо време го зголемила дијаметарот на околу 60 метри, според официјалните лица во државата Пуебла.
Дупката сега е длабока 20 метри и е делумно исполнета со вода.
Семејството што живее во домот е евакуирано, а никој не е повреден.
Државните власти ги предупредија луѓето да се држат настрана и сега ја проучуваат дупката за да утврдат зошто таа се отворила.
„Сметаме дека тоа може да биде комбинација од два фактори: омекнување на земјиштето, целата област се обработуваше, како и вадење на подземни води, што го омекнува подземјето“, рече Беатриз Манрике, секретар за животна средина во регионот.
Локалните активисти сугерираат дека дупката е можеби предизвикана од преголема експлоатација на водоносни слоеви во областа.
Нејасно е што официјалните лица очекуваат да направат со дупката или дали во иднина може да пропадне поголем дел од земјата.
Ваквите појави се ретки, но потенцијално уништувачки геолошки настани, според Американската геолошка служба (USGS). Тие обично се јавуваат на места каде подземните води ја раствориле карпата што ја поддржува земјата на површината. Кога карпата попушта, сè над неа паѓа во пештерата под неа.
„Обично, отворите се формираат толку бавно што се забележуваат мали промени“, вели УСГС на својата веб-страница. „Но, тие можат да се формираат одеднаш кога ќе се појави колапс“.
За повеќе корисни стории посетете ја рубриката Агро вести, како и нашите групи на Facebook и Viber.
