Едно од најчестите прашања кога станува збор за морковите е колку долго може да останат во земја, односно дали ќе имаат подобар вкус ако се извадат од земја кога се помали?
Општо, морковот може да се извади кога е доволно голем и сладок за да се јаде. Kолку долго може да се чува во земја зависи од сезоната кога се одгледува.
Ако морковот се одгледува за летна жетва, треба да се отстрани кога ќе ја достигне оптималната големина. Во просек тоа е од 70 до 80 дена по садењето.
Изложеноста на високи температури може да го направи морковот малку горчлив. Ако се појави многу топла сезона, треба да се извлечат од земјата за да не се добие таа горчина.
Во постудените сезони, кога морковот се одгледува за есенска или зимска берба, може да се остави во земјата додека не бидете подготвени да ги користите. Исклучок од ова правило е кога морковот се одгледува во регион каде земјата замрзнува. Тогаш морковот треба да се извади пред првиот мраз, освен ако немате заштита од студ.
Морковот може да остане во земјата додека не замрзне земјата. Во потоплите региони, ова може да значи останување во земјата до есен, па дури и во зима.
Само обрнете внимание на времето. Силниот дожд по сувиот период може да предизвика пукање на морковите, па затоа е најдобро да ги извадите пред да се случи тоа.
За повеќе корисни стории посетете ја рубриката Агро совети, како и нашите социјални мрежи Facebook и Viber.
