Симптомите на бело гниење кај сончоглед можат да бидат различни во зависност од растението домаќин и органите на растението кои се нападнати.
Габата има голем круг домаќини меѓу култивирани растенија (сончоглед, соја, маслодајна репка, луцерка, тутун, леќа, грав, домати, зелена салата, краставици, и др.). Се наоѓа на некои многу агресивни плевели ( Abutilon theophrasti, Ambrosia artemisiifolia, Amaranthus retroflexus, Xanthium italicum).
Во развојот на болеста кај сончогледот се разликува:
- гниење на семето и распаѓање на младите растенија,
- коренски тип на болеста и венење на растенијата
- гниење на средниот дел од стеблото,
- гниење на главата.
Инфицираните ткива имаат сивкаста или зеленикаво-кафеава боја и имаат воденест изглед. Стеблото омекнува и јадрото се распаѓа. Однадвор, на заболените делови се развива густ бел мицелиум, а на заразените ткива и во нив се појавуваат црни склеротии со големина до 10 мм.
Стеблата се кршат, главите се распаѓаат (тие се скелетизирани), растенијата венеат и се сушат. Може да се очекува посилен изглед на болеста во ладни (оптимална температура од 18 до 21 °) и влажни години.
Контрола се врши со сеење потолерантни хибриди, плодоред (минимум 3-4 години), сеење семе што не содржи склеротија и контрола на плевелите. Кај сончогледот со фунгициди може да се постигне одредена заштита.
За повеќе корисни стории посетете ја рубриката Агро совети, како и нашите социјални мрежи Facebook и Viber.
