Природно фарбање на јајца – се повеќе овите техники се забораваат и се користат вештаччки хемиски бои.
Внималтено со вештачките бои знаат да бидат отровни и не е препорачливо јајца фарбани со вакви бои да им се даваат на деца помали од 3 години.
Затоа еве со вас ќе споделиме неколку трикови како може да ги офарбате јајцата за велигден а да не се труете со хемикалии.
Кои природни материјали ви ги даваат посакуваните бои?
Природно фарбање на јајца одберете си која ви е омилена боја 🙂
Дури и ако сакате да ги офарбате природно велигденсите јајца, не мора да се откажувате од бои. Еве како можете да добиете цела палета на шаренила:
Жолта: Со куркума ќе добиете сончево жолта боја. Со цветови од камилица, бојата ќе биде многу понежна.
Портокалова: Класика во природното фарбање: Лушпи од кромид. Овие се варат заедно со јајцата, а пото се оставаат уште 30-тина минути да се упие бојата. За портокалова боја можете да користите и моркови.
Розе и црвена боја: цвекло или лушпи од црвен кромид даваат навистина убави пигменти. Сакате посветли нијанси: едноставно скратете го времето на јајцата во бојата.
Сина или лила: користете боровинки, аронија, црвена зелка или холундер за да добиете различни нијанси на сини и лила тонови.
Зелена: коприва или магдонос, како и спанаќ ќе им ја дадат вистинската зелена боја на вашите велигденски јајца.
Кафена: Црн чај или кафе ќе ви помогнат во добивањето на оваа нијанса.
Мал совет: кој сака да ја заврши работата побрзо, едноставно може да користи природни сокови (цвекло, холундер и сл.) или пак прав од куркума.
За повеќе корисни стории посетете ја страната на zemjodelie.mk, како и Земјоделските групи на Facebook и Viber.
