Украина не планира да воведе ограничувања за извоз на одредени земјоделски производи. Односно јачмен, пченка, маслодајна репка, соја, сончоглед и извозот на масло. Ова го изјави заменик министерот за аграрна политика и храна Тарас Висоцки.
– Сакаме да потврдиме дека во овој момент немаме никакви ограничувања. Не планираме да воведуваме ограничувања за извозни испораки на јачмен, пченка, семе од репка, соја, семки од сончоглед. Исто така и извозот на масло и други производи – рече Висоцки.
Според него, Украина нема намера да го запре извозот на земјоделски производи и покрај тоа што Руската Федерација ги блокира нејзините поморски пристаништа.
Украина верува дека ќе може да остане меѓу 10-те најголеми извозници на храна оваа година доколку се деблокираат поморските пристаништа.
За повеќе корисни стории посетете ги рубриката Агро вести, како и нашите групи на Facebook и Viber.
