Тел: +38975383796 Е-пошта [email protected]

9.8 C
Skopje
Tuesday, December 6, 2022

More
    домаАгро советиНапредокот на посевите може да го спречат овие инсекти

    Напредокот на посевите може да го спречат овие инсекти

    За напредокот на посевите на отворено поле, многу е важно да се обрне внимание на растителните вошки, кои можат да ги оштетат младите растенија. Тековната заштита треба да се врши и кај посевите со пченка.

    Заштитете ги пиперките од растителни вошки

    Пиперките на отворено се во фаза на никнување и развој на првите листови, а почнато и садењето на нива. На растенијата се забележува присуство на растителни вошки. Присуството на трипс во цветот се забележува кај оние кои се посадени во затворен простор и се во фаза на цветање. И вошките и трипсите се носители на фитопатогени вируси.

    Ако се појават рани вирусни инфекции додека растенијата се во рана фаза на развој, штетата може да биде многу голема. Се препорачуваат прегледи на растенија за присуство на вошки (на задниот дел од листовите) и трипси (со протресување на бела подлога). По воочување на проблемот, се преоѓа кон мерки за заштита.

    Заштита на посевите со пченица

    Посевите со пченица се во сосема различни фази на развој. Во фазата на цветање и во влажни услови постои можност за зараза на класот со болеста фузариоза.

    Покрај тоа што го намалува приносот, оваа габа има способност да произведува микотоксини. Доколку се најавени врнежи, а високите температури ќе го забрзаат навлегувањето на пченицата во цветање, се препорачува да се спроведе превентивна заштита со регистрирани фунгициди пред врнежите кај земјоделските култури кои се на почетокот на цветањето.

    Тековна заштита во овоштарниците

    Во овошните насади е забележано присуство на кафеава мрамореста и зелена стеница. Во моментов најзагрозени се насадите со праски, нектарини, леска и вишни. Се препорачува да се користат некои од регистрираните пиретроиди откако ќе се потврди присуството на овие штетници.

    Овие инвазивни бубачки сега се во процес на миграција од дрвјата и спонтана флора на земјоделски култури и насади кои треба редовно да се следат.

    За повеќе корисни стории посетете ја рубриката Агро совети, како и нашите социјални мрежи Facebook и Viber.

    spot_img
    spot_img
    spot_img
    spot_img
    spot_img