Германското свињарство забележа рекорден пад во производството на свињи за гоење за разлика од претходните години. Овогодинешните повисоки цени на храната ќе резултираат со тоа што полесните грла предвреме ќе бидат предадени на колење.
Рекорден пад на производство на свинско месо е забележано во Германија од страна на Федералното биро за статистика. Падот беше околу 10 проценти во првиот квартал во однос на 2021 година.
Има околу 1,34 милиони грла помалку од лани. Податоците покажуваат дека од јануари до март имало 12,08 милиони свињи во целата земја. Досега, таков пад на производството на свинско месо од 11,6 отсто на 1,15 милиони тони никогаш не е забележан поради намалувањето на просечната тежина на колење за 1,7 кг до 95,5 кг по свиња, според Агрархеуте. На почетокот на минатата година животните доцна пристигнаа во кланицата и беа потешки. Овогодинешните повисоки цени на храната ќе резултираат со тоа што свињите предвреме ќе бидат предадени на колење.
Помалку домашни свињи и месо
Бројот на домашните свињи е намален за 1,34 милиони грла или 10,2 отсто на 11,78 милиони грла во однос на првиот квартал. Се намалува и бројот на оваа стока од увоз. Понудата на пазарот надвор од Германија е намалена за 6.240 или 2,0 отсто на 304.490 грла во споредба со првите три месеци од 2021 година.
Покрај падот на бројот на свињи за гоење, евидентиран е и помал вкупен број на заклани животни.
Пад и на производството на говедско месо
Пад е забележан и кај производството на говедско месо во првиот квартал од 2022 година. Бројката од 748.660 животни е за 76.260 или за 9,2 отсто помалку од истиот период лани. Производството на говедско месо падна за 10,0 отсто на 245.950 тони. Производителите испорачале 10,8 отсто помалку животни во кланиците. Намалувањето на бројот на бикови и волови е 10,7 отсто на 275.380 грла.
Во однос на претходната година, намалувањето е помало кај јуниците и тоа 5,7 отсто на 137.400 грла и кај телињата за 4,8 отсто на 79.980 грла.
За повеќе корисни стории посетете ја рубриката Агро вести, како и нашите групи на Facebook и Viber.
