Густ сок од јагоди – Јагодите се мирисно црвено овошје, првпат споменато пред 2.000 години. Покрај одличниот вкус, јагодите се исклучително здрави.
Освен што јагодите се добри за јадење свежи, од нив можете да направите многу вкусни џемови, сладоледи или сокови. Во овој текст ви пренесуваме рецепт за исклучително здрав и вкусен сок од јагоди.
За густ сок од јагоди ви требаат:
- 1 кг зрели јагоди
- 2 литри вода
- 250 гр шеќер (можете да го намалите шеќерот или да користите мед наместо шеќер кој се додава кога сокот малку ќе се олади и мешајте додека не се раствори).
Оваа количина е за два литри сок, можете да ја зголемите според вашите потреби.
Подготовка:
Јагодите се чистат, се мијат и се сечат, ако се поголеми на 4 дела, ако се помали, на половина. Ставете ги во поголем лонец, прелијте ги со 2 литри вода и оставете да се варат. Кога ќе зоврие намалете ја температурата на средно и варете ги околу 20 минути за да се сварат јагодите. Со миксер или блендер се мелат во каша, се додава шеќер и се варат уште десет минути за да се раствори шеќерот и да се соедини со сокот. Топлиот сок истурете го во врели шишиња, затворете ги и завиткајте ги шишињата во ќебиња и оставете ги да се изладат (шишињата прво треба добро да се измијат, да се стават во рерна и да се вклучи рерната на 100 ° C за да се загреат и добро стерилизираат). Чувајте го на ладно и темно место, а кога ќе го отворите шишето, чувајте го во фрижидер.
Лековити својства на јагодите
Лековитите својства на јагодите се рефлектираат во нивните антивоспалителни, антибактериски и антипиретични својства. Тие помагаат при болки во мускулите и ги смируваат воспалителните процеси. Можат да помогнат и во случај на висока температура. Исто така, јагодите се одличен аналгетик и ја спречуваат главоболката. Тие се подобри од аспиринот бидејќи содржат природни салицилати.
Јагодите се добар лек за разни болести на кардиоваскуларниот систем. Елагичната киселина и флавоноидите кои се наоѓаат во јагодите се многу важни материи кои благотворно делуваат на срцето и крвта. Го намалуваат нивото на лошиот холестерол, а го спречуваат затнувањето на артериите. Една порција јагоди содржи 134 mg калиум, кој штити од негативните ефекти на натриумот и го регулира високиот крвен притисок. Бидејќи се богати со железо, јагодите се одличен лек за анемија. Освен тоа, јагодите се добри за прочистување на крвта и за забрзување на циркулацијата.
За повеќе корисни стории посетете ја рубриката храната како лек, како и нашите социјални мрежи Facebook и Viber.
