Многу градинари не сакаат да одгледуваат карфиол затоа што има репутација како една од потемпераментните култури и со добра причина. За да може карфиолот да вроди со плод, потребно е да се знае кога е најдобро време за садење и кога за берба. Во продолжение ви ги пренесуваме токму тие информации, како и корисни совети за садење, за да успее оваа култура.
Најдобро време за одгледување карфиол е поладната сезона, слично на брокулата.
За разлика од брокулата, која произведува повеќе странични гранки, карфиолот произведува само една глава. Ова значи дека имате само една шанса да ја постигнете.
Важно е да се запамети дека растението напредува на температури од 16-18 степени и не повисоки од 24 степени. Карфиолот е многу чувствителен на температура, а доколку е повисок доаѓа до физиолошки нарушувања.
Има 2 периоди на садење: едниот е во пролет, а потоа бербата е од јули до август, а другиот период на садење е на крајот на јуни и во првата половина на јули и потоа бербата е од септември до ноември.
Во овој период се садат садници, што е подобро од директното сеење семиња, бидејќи има поголеми шанси растенијата да опстанат.
Навикнете ги садниците на отворено
Садниците треба да се навикнат на отворено пред да се засадат, па постепено изложувајте ги на сонце 5 дена, пред да ги засадите на постојано место. Пресадувањето направете го во доцните попладневни часови, со цел да се намали стресот на растенијата. Садниците се засадуваат на растојание од 60 x 70 cm.
По пресадувањето, нахранете ги растенијата со течно ѓубриво според упатствата на производителот. Откако ќе се засадат во земја, додадете им компост богат со азот.
Карфиолот бара многу влага
Карфиолот бара многу влага и затоа треба редовно наводнување. Исто така, се препорачува поставување на прекривка околу младите растенија, со цел да се запре плевелот и да се задржи влагата во почвата.
Кога главата на карфиолот ќе достигне големина на тениско топче, се спроведува процедурата за етиолација, така што главата не пожолтува од влијанието на сонцето. Потребно е да ги свиткате надворешните листови преку главата и малку да ги врзете. На овој начин ќе се создаде сенка и главата ќе остане бела.
Берба
Карфиолот е подготвен за берба една или две недели по етиолацијата, односно покривање на главата. Се препорачува да го проверувате растот на секои неколку дена. Може да започнете со берба кога главите ќе достигнат обем од 15 cm или повеќе, а пред издолжување на цветните гранки. Бидејќи ова е есенска берба, имате на располагање 10-15 дена.
Бербата треба да се врши на сув и сончев ден. Можете да ја исечете главата со голем нож, секогаш со еден сет листови за да ја заштитите од оштетување.
Свежо набраниот карфиол може да се чува неколку дена, а ако главата е покриена како што опишавме, може да се чува уште 15 дена.
За повеќе корисни стории посетете ја рубриката Агро совети, како и нашите социјални мрежи Facebook и Viber.
