Малини и капини многу често се замрзнуваат или се купуваат замрзнати, но по одмрзнувањето тие можат да ја загубат формата и вкусот.
Во сезоната на малини и капини, многу домаќинки одлучуваат да ги подготват за замрзнување и да ги користат од есен до следното лето за правење колачи, торти.
Но, бидејќи овие плодови се многу чувствителни и нежни, често се случува да се претворат во каша кога ќе се одмрзнат. За да не ви се случи тоа, треба на посебен начин да ги подготвите за замрзнување.
Свежите малини и капини измијте ги, наредете ги на пластичен плех, ставете ги во замрзнувач преку ноќ. Внимавајте плодовите да не се допираат за да може секое да замрзне поединечно.
Следниот ден извадете го пластичниот плех со малините и капините кои се веќе замрзнати, префрлете ги во садови за еднократна употреба и ставете ги во замрзнувач.
Вака малините и капините нема да се претворат во каша кога ќе ги одмрзнете и ќе останат сочни.
На ист начин можете да подготвите и други бобинки.
За повеќе корисни стории посетете ја рубриката агро забава како и Земјоделските групи на Facebook и Viber.
