Ако се прашувавте што може да ви го ослободи стресот и да ви ја подобри концентрацијата, тогаш Мача е одговорот на вашата дилема.
Иако многу луѓе истакнуваат дека чајот ве заспива и смирува, тоа не е случај со овој пијалок. Чајот мача го подобрува фокусот, когнитивната функција и му дава поттик на вашиот мозок. Се препорачува наместо кафе за подобрување на концентрацијата.
Ова е најдобриот јапонски зелен чај во прав. Познат е по својот исклучителен вкус и одлични лековити својства. Содржи катехин, каротин и витамини А, Б, Ц и Е. Освен што содржи големо количество антиоксиданси, чајот од мача го стимулира варењето и метаболизмот и го поттикнува согорувањето на калориите. Идеален избор за детоксикација и слабеење, а едно од неговите главни својства е тоа што ја подобрува когнитивната функција.
Листови од зелен чај сомелени во фин прав
Овој чај е направен од листови од зелен чај израснати во сенка кои се мелат во фин прав. Мача може да се конзумира самостојно кога измешан во топла вода, или се додава во смути или печива. Содржи речиси исто количество кофеин како една шолја кафе и е богата со л-теанин, уникатно соединение кое го намалува стресот и промовира смиреност и фокус. Заедно, кофеинот и л-теанинот присутни во Мача работат на подобрување на когнитивната функција и јасност, правејќи го идеален чај кој помага во учењето, ви помага полесно да се концентрирате на работа, да го намалите заморот и да ја стимулирате функцијата на мозокот.
Во саканата шолја просејте една лажичка мача чај (околу 2-5 грама). Истурете топла, но не врела вода. Добро промешајте (најдобро е да користите жица за матење) и чајот е готов за пиење.
За повеќе корисни стории посетете ја рубриката храната како лек, како и нашите социјални мрежи Facebook и Viber.
