Тел: +38975383796 Е-пошта [email protected]

16.8 C
Skopje
Tuesday, October 4, 2022

More
    домаАгро ЗабаваНамаз од коприва и спанаќ

    Намаз од коприва и спанаќ

    Намаз од коприва и спанаќ – Ова е убаво пролетно уживање со коприви и спанаќ. Во продолжение неговата подготовка.

    Состојки за намаз од коприва и спанаќ:

    • околу 300-400 гр млади свежи коприви
    • околу 200-300 гр свеж спанаќ
    • по вкус, лук во прав (може да користите и чешне свеж лук)
    • 3-4 парчиња сув црвен пипер
    • сол по вкус
    • лажица до две остро брашно
    • околу 100-150 мл масло

    Подготовка:

    Младите коприви исчистете ги и сварете ги во солена вода. Гответе ги околу 5 минути, а потоа прелијте ги со ладна вода и оставете ги да се исцедат.

    Спанаќот исчистете го (оставајте ги само листовите без дршката), исто така бланширајте во солена вода и оставете да се исцеди и излади.

    Ладните коприви и спанаќот ситно се сечкаат (може да се направи и во блендер, но само 1-2 вртежи за да биде малку покрупно). Направете го истото со сувите пиперки.

    Во тавче се става масло и се додаваат копривите и спанаќот со пиперките и се пржи на масло додека се убаво се соедини и се формира компактна маса (да испари водата што ја испуштаат копривите и спанаќот). Се додава брашното, се пржи уште малку, па се зачинува со лук и сол по вкус.

    Доколку сакате намазот да биде малку потечен, можете да додадете малку вода и да оставите да зоврие.

    Ова може да се користи како намаз за врели сендвичи со сланина или свински врат.

    Вака подготвените коприви (само со малку помалку спанаќ) може да се користат и како манџа кога ќе се додаде уште малку вода.

    За повеќе корисни стории посетете ја рубриката агро забава како и Земјоделските групи на Facebook и Viber.

    spot_img
    МОЖЕ БИ ЌЕ ВЕ ИНТЕРЕСИРА...Посен деликатес – Пифтија од грав
    МОЖЕ БИ ЌЕ ВЕ ИНТЕРЕСИРА...Јадете проќељ за да бидете среќни
    spot_img
    spot_img
    spot_img