Сите знаеме дека јогуртот е многу здрав и колку е важен за организмот. Но сепак постојат ситуации кога треба да се избегнува.
Јогуртот и другите млечни производи, како кефирот, киселото млеко, павлаката, имаат, меѓу другото, улога во нормализирање на работата на дигестивниот систем, намалување на ризикот од развој на срцеви и кардиоваскуларни заболувања, заштита на цревата од паразити и сл.
Овие намирници се богати со протеини, калциум и бифидобактерии кои се врзуваат за цревниот ѕид. Тие градат природна бариера, спречувајќи го врзувањето на штетните агенси. Тие се одличен извор на амино киселини и протеини неопходни за нормално функционирање на организмот. Сепак, јогуртот и другите ферментирани млечни производи не треба да се користат во првиот час и половина по оброкот.
– Кисело млечните производи ја нормализираат цревната микрофлора благодарение на таканаречените бифидобактерии со кои се доста богати. Овие бактерии ги нарекуваме и пробиотици. За да извлечете максимален бенефит од бифидобактериите, многу е важно ферментираните млечни производи да ги земате на празен стомак – истакнуваат нутриционистите.
Ова се препораките на експертите за дневниот внес на млечни производи:
– Кефир, јогурт и кисело млеко – 1-2 чаши на ден,
– Свежо сирење, павлака (2,5 проценти маснотии) – 100 грама на ден.
За повеќе корисни стории посетете ја рубриката храната како лек, како и нашите социјални мрежи Facebook и Viber.
