Тел: +38975383796 Е-пошта [email protected]

0.8 C
Skopje
Tuesday, November 29, 2022

More
    домаАгро советиЗаштита на овошките во текот на зимата

    Заштита на овошките во текот на зимата

    Овоштарите периодот од зимско мирување најчесто го користат за зимска резидба и заштита на овошките од болести и штетници.

    Заштитата на овошките се извршува со механички и хемиски мерки.

    Механичките мерки повеќе се спроведуваат кај помалите овоштарници и
    опфаќаат: чистење на стеблата од гасенични гнезда, отстранување на заразени
    делови од растенијата и собирање и горење на паднати лисја и трули плодови.

    Со извршување на овие работи ги отстрануваме потенцијалните жаришта од
    болести и штетници, од каде што рано во пролетта излегуваат спори и габи, или
    имага од штетници, кои извршуваат примарни зарази.

    Хемиските мерки за заштита опфаќаат прскање на овошките со пестициди, со кои
    се сузбиваат болестите и штетниците. Некои штетници и болести презимуваат на
    гранките, или под кората, при што со зимското прскање се уништуваат нивните
    легла.

    Прскањето се извршува во периодот на зимското мирување и тоа исклучиво
    при суво, топло и мирно време.

    Зимската заштита како мерка задолжително се применува кај повеќето овошни
    видови.

    Најчести штетници кои се сузбиваат со зимската заштита се: лисни и штитести
    вошки, цветојад, молец, губар, жолтомешка, свиткувач, крушкова болва, мразовец,
    црвен пајак и др.

    Од инсектициди кои се користат за сузбивање на наведените штетници во овој
    период се маслените препарати: Бело масло 1%, Олеоултрацид 0,3%, Фолидол
    масло 0,5% и др.

    Од болести, кои се сузбиваат со зимското прскање се: краставост на плодовите,
    пепелница, кадравост и сачменка на лисјето, монилија, рогачење на плодовите,
    бактериска пламеница, рак на кореновиот врат и др.

    Од фунгициди кои се користат за сузбивање на болестите се: Бордовска чорба 1-
    2%, Шампион 1%, Бакарен Антракол 0,4% и др

    Заштитата против болестите и штетниците може да се извршува посебно, но
    најчесто комбинирано, со мешање на двете компоненти.

    За повеќе корисни стории посетете ја страната на zemjodelie.mk, како и Земјоделските групи на Facebook и Вибер.

    spot_img
    spot_img
    spot_img
    spot_img
    spot_img