Без разлика дали е слатко или кисело, јаболката со векови е кралица на овошјето. Октомври е нивниот месец, а ние ви пренесуваме неколку интересни факти за нив.
Октомври е месец на јаболкото, кое се смета за кралица на овошјето. Нејзиниот ден се слави насекаде низ светот, некаде на 20-ти, некаде на 21-ви октомври. И како да не биде кога таа е омилена на сите.
Плодот содржи малку калории, но многу витамини, најмногу витамин Ц.
Овошјето со средна големина има 95 калории и задоволува до 15 проценти од нашите потреби за влакна. Се користи во гастрономијата и народната медицина уште од античко време. Освен за слатко, се користи и за подготовка на кисела зимница, сосови, колачи, сокови, желеа и солени јадења.
Овие 20 интересни факти за јаболката сигурно не сте ги знаеле!
- Кина е најголемиот производител на јаболка и таа земја има 63,63 отсто од светското производство на ова овошје.
- Во 2021 година во Европската унија се произведени околу 4 милиони тони, што е за 13 отсто повеќе од 2020 година.
- Полска е на прво место по извоз на јаболка во ЕУ, а потоа следат Италија и Франција.
- Најголемиот овоштарник со јаболка, Chazy Orchards првично бил засаден во 1920 година и историски е дом на најголемиот овоштарник со јаболка Мекинтош во светот.
- Најскапи се јаболкото Black Diamond чиј плод се продава по цена од 7 до 20 долари и јапонското Секаи Ичи за 21 долар.
- Најслатко е јаболкото Фуџи, кое спаѓа во групата на највкусни покрај Honeycrisp, Pink Lady, Ambrosia и Cox’s Orange Pippin.
- Sweet Tango е најкрцкаво. Неговите клетки се поголеми и тоа му дава совршен звук при јадење. Поради ова, со своите 79,1 децибели го освои и Гинисовиот рекорд за најгласно крцкање.
- Во светот постојат 7.500 сорти на ова овошје.
- Тие потекнуваат од областа помеѓу Каспиското и Црното Море и биле омилено овошје на старите Грци и Римјани.
- Најтешкиот плод тежел 3 килограми.
- Една јаболкница од семе може да живее 100 години.
- Сортата Лејди или Апи се смета за најстара.
- Тие пливаат во вода, бидејќи воздухот сочинува 25 проценти од овошјето.
- Имаат 5 до 6 семиња кои содржат малку цијанид.
- Александар Македонски ги донел во Европа од неговото патување во Казахстан каде нашол џуџести јаболка.
- Нејзиното дрво може да порасне од 1,8 до 5 m високо.
- За создавање на еден плод потребни се 50 листови кои го снабдуваат со храна.
- Цветовите на јаболката се симбол на женската убавина, а плодот е симбол на здравјето, љубовта и плодноста.
- На кинескиот јазик зборот пинг значи јаболко, но и мир.
- Малусдоместикафобија е името за стравот од јаболка.
За повеќе корисни стории посетете ја рубриката агро забава како и Земјоделските групи на Facebook и Viber.
