Пиперки во сенф е идеална зимница за љубителите на пикентен вкус.
Подготовката е брза и едноставна, а вака подготвените пиперки во сенф одлично се вклопуваат со секаков вид месо, со варени јадења, а можат да бидат и пикантен намаз.
Ова е рецептот за црвени пиперки во сенф:
15 поголеми ајварски пиперки
125 мл алкохолен оцет
300 мл вода
200 гр сенф
120 мл масло
Сол, шеќер, ловоров лист, бибер
Подготовка:
Пиперките добро се чистат од дршките и семките. Исечете ги на подебели ленти.
Настрана подгответе го солилото од водата, оцетот, сол, шеќер и зачини. Пиперките ставајте ги да се варат околу 10 минути (не морате сите наеднаш доколку не ги собира), па оставете ги да се исцедат.
Сенфот матете го со миксер или процесор за храна. Додавајте го маслото по малку, во тенок млаз, за да може да добиете пенеста смеса. Измешајте ги пиперките со оваа смеса и ставете во тегла.
Не правете наеднаш големи количини, за да избегнете расипување.
За повеќе корисни стории посетете ја страната на zemjodelie.mk, како и Земјоделските групи на Facebook и Вибер.
