Рибата треба да се јаде често, не само кога се пости. Овој рецепт за крап пржен во свинска маст е нешто навистина посебно. Лесно и брзо ќе го подготвите, а свинската маст ќе и даде посебен вкус на рибата.
Освен генијалниот вкус, свинската маст е подобра од маслото бидејќи рибата помалку ја впива. Единствено што може да ви пречи е мирисот на риба во домот по пржењето. Затоа ви препорачуваме да го направите надвор доколку имате услови.
За пржење ви треба крап (1-2 килограми), 3-4 лажици пченично и исто толку пченкарно брашно, сол и бибер, 1 лажица сладок пипер и свинска маст.
Подготовка на крап пржен во свинска маст:
Прво исечете ја рибата на шницли со дебелина од 2 см. Посолете, додадете бибер и малку посипете со додатокот за риба од кесичката. Потоа измешајте половина и пол пченкарно и пченично брашно, додадете пипер, сè добро измешајте и во оваа смеса извалкајте ги парчињата. Пржете на тивок оган, во полна маст околу 10 минути. Завртете го да не изгори, а кон крајот можете да ја зголемите топлината за златната кора да биде уште покрцкава.
На крајот извадете ја рибата на салфетка за да го впие вишокот маснотии, а потоа послужете ја со гарнир од зеленчук. Ако сакате, направете маринада со лук, а незаменлив е лимонот кој можете да го исцедите врз рибата и ќе добиете уште подобар вкус.
Пријатно!
За повеќе корисни стории посетете ја рубриката храната како лек, како и нашите социјални мрежи Facebook и Viber.
