Европската Унија од 2024 година ќе забрани употребата на „бордовска чорба“.
„Бордовска чорба“ е фунгицид кој се користи за заштита на различни видови зеленчук, овошје и винова лоза од разни болести.
Хемиската индустрија направила цела серија на готови производи врз основа на „бордовската чорба“, без кои е тешко да се замисли модерното овоштарство и лозарство.
Всушност „бордовската чорба“, како и цела низа бакарни препарати се означени како штетни пестициди, кои заедно со уште педесетина заштитни средства наскоро би можеле да бидат исфрлени од земјоделството.
Пред три години бакарните препарати мораше да се заменат со помалку штетни средства. А во 2024 година ќе стигне конечната забрана и потоа веќе нема да може да се користат во лозјата и овошните насади.
„Бордовската чорба“ се користи веќе 136 години, а настанала и е именувана по францускиот град Бордо, најпознат по производството на вино.
За повеќе корисни стории посетете ја страната на zemjodelie.mk, како и Земјоделските групи на Facebook и Вибер.
А доколку нешто продавате или купувате посетете го огласникот WWW.PETEL.MK
