Крем супите се добар избор за време на студените денови.
Крем супата од тиква и компир ќе им одговара и на оние кои постат и на оние кои не постат бидејќи е многу вкусна и здрава. Особено затоа што густината се добива од самиот зеленчук, а не како вообичаено, со додавање брашно и слични постапки.
Потребни состојки:
- 3 лажици маслиново масло
- 450 гр излупена тиква
- 100 гр праз
- 30 гр млад кромид
- 3-4 чешниња лук
- 400 гр излупени компири
- 60 гр моркови
- сол и мелен црн пипер по вкус
- 1 лажичка сув зачин
Начин на подготовка:
Празот, младиот кромид и лукот се сечкаат ситно, па се пржат на масло да омекнат. Истурете литар топла вода, додадете ги исечената тиква, компирите и морковите, додадете го биберот по вкус и кога ќе зоврие, варете полупокриено додека зеленчукот не омекне.
Процедете, но не фрлајте ја течноста. Изгмечете го зеленчукот во блендер. Зеленчукот вратете го во течноста, додадете го сувиот зачин, а по потреба сол и бибер, а доколку е потребно, ако супата е многу густа, додадете чаша топла вода. Оставете да зоврие, па тргнете го од оган. Послужете топло.
За повеќе корисни стории посетете ја страната на zemjodelie.mk, како и Земјоделските групи на Facebook и Вибер.
А доколку нешто продавате или купувате посетете го огласникот WWW.PETEL.MK
