Според податоците на Светската организација за цитруси (СЦО), производството на северната хемисфера ќе опадне за 13 проценти во сезоната 2022/23. Прелиминарната прогноза беше претставена на Глобалниот конгрес на производители на цитрусно овошје. Се заснова на податоци од Египет, Грција, Израел, Италија, Мароко, Шпанија, Тунис, Турција и САД.
Филип Бинар, генерален секретар на оваа организација, коментира дека се предвидува пад на родот до 25.958.275 тони. Тоа е значително намалување во однос на претходната сезона.
Како што можеше да се слушне, годинашното производство на цитруси е едно од најлошите во последните неколку сезони, главно поради климатските проблеми во водечките земји извозници.
-Но, и покрај намалувањето на производството на северната хемисфера, пазарот на цитрус е сè уште жив. Тие се уште се едни од водечките овошја на светскиот пазар – изјавија претставниците на таа организација.
Вкупно намалување на производството на портокал за 11,7 отсто, грејпфрут за 16,8 отсто, додека, на пример, се очекува пад на лимонот за 15,7 отсто. Во Европската унија се предвидува нешто поголемо намалување на производството, за околу 15 отсто, или 20,9 во Шпанија и Италија, додека СЦО проценува зголемување на производството за Грција од 10,83 отсто.
За повеќе корисни стории посетете ја рубриката Агро вести, како и нашите групи на Facebook и Вибер.
Доколку нешто продавате или купувате посетете го огласникот WWW.PETEL.MK
, производството на северната хемисфера ќе опадне за 13 проценти...){kind=link}