Зголемено производство на огревно дрво во Европската Унија. Податоците покажуваат дека Франција и Германија водат во производството.
Европскиот завод за статистика Еуростат објави дека во 2021 година, производството на огревно дрво во ЕУ изнесувало 118,5 милиони m³. Ова е зголемување од четири отсто во однос на 2020 година (113,8 милиони м³). Во однос на 2019 година зголемувањето е три отсто (115,0 милиони м³).
Огревно дрво се користи се повеќе
Во последните години, производството на огревно дрво бележи постојан пораст од 18 проценти во 2019 година во споредба со три години претходно. Се намали во 2020 година поради мерките поврзани со сузбивањето на пандемијата Ковид-19.
Во 2021 година пет земји-членки забележаа најголемо производство на овој вид на дрво. На прво место е Франција со 26,7 милиони m³, а потоа следат Германија со 23,2 милиони, Финска со 8,9 милиони, Романија со 6,4 милиони и Шведска со 5,5 милиони кубни метри. Тоа е вкупен пораст од 65 проценти на производството во ЕУ.
Во споредба со 2020 година, најголем пораст на производството на огревно дрво е забележан во Германија и Франција за 15 отсто и Унгарија за 14 отсто. Најголем пад е забележан во Луксембург за 23 отсто, Австрија за осум отсто и Естонија за шест отсто.
За повеќе корисни стории посетете ја рубриката Агро вести, како и нашите групи на Facebook и Вибер.
Доколку нешто продавате или купувате посетете го огласникот WWW.PETEL.MK
