Вкупно 750.000 кокошки на фарма ќе уништат чешките власти по најголемата епидемија на птичји грип досега.
Птичјиот грип беше откриен минатата недела, на околу 150 километри западно од Прага, а властите во вторникот почнаа со подготовки за уништување на 220.000 кокошки.
Меѓутоа, чешката државна ветеринарна управа (СВС) соопшти дека птичји грип се проширил низ фармата и дека е донесена одлука да се уништи целата живина од таа локација.
И покрај преземените мерки и други напори, не беше можно да се спречи ширењето на болеста, поради што ќе се исчисти целата фарма“, велат од СВС.
Вирусот може да се пренесе на луѓето преку контакт со живина, но експертите велат дека ризикот по здравјето на луѓето е низок.
Чешките власти побараа од фармите да ја задржат живината во затворени простории од ноември, но во последните недели има зголемување на бројот на случаи.
За повеќе корисни стории посетете ја страната на zemjodelie.mk, како и Земјоделските групи на Facebook и Вибер.
А доколку нешто продавате или купувате посетете го огласникот WWW.PETEL.MK
