Биоразградливо пакување во спреј може да го продолжи рокот на траење на храната. Може да го намали отпадот и да ја зголеми безбедноста на храната.
Биоразградлива амбалажа со спреј за храна е развиена од тим научници од Рутгерс и Универзитетот Харвард, известува Food Tank. Откритието може да го продолжи рокот на траење. Може да го намали отпадот од храна и пластика и да ја зголеми безбедноста на храната.
Пластичната амбалажа претставува закана за животната средина и здравјето на луѓето. Во 2018 година, САД произвеле 35,7 милиони тони пластика, од кои 75 отсто завршиле на депонии.
„Отпадот на храна и безбедноста се меѓу главните грижи на нашето општество, особено во периодот на КОВИД-19 “, вели Хуибин Чанг, научен соработник за биоинженерство на Универзитетот Харвард. Тој беше вклучен во развојот на спрејот за пакување. Тој објасни дека повеќето пакувања на храна не се биоразградливи.
Биоразградливо пакување
Решението е пронајдено во форма на спреј чија главна состојка е пулулан. Тоа е јастиво влакно признаено како безбедно од Американската агенција за храна и лекови (ФДА) и се користи како облога за таблети. Бидејќи е мешавина од биоразградливи полимери и нетоксични растворувачи, може да се измие со вода.
Истражувањето се уште е во рана фаза на развјо. Научниците работат на тоа финалниот производ да биде што поисплатлив и одржлив. Според Ритва Крист, маркетинг менаџер на германскиот стартап Traceless, кој произведува одржливо пакување од природни материјали, се очекува овој изум да има големо влијание, но не може да биде единственото решение за решавање на проблемот.
Нишада Џајасундаре, еколошки токсиколог од Универзитетот Дјук, наведува дека се потребни дополнителни истражувања за да се утврди точно како се разградуваат таквите супстанции, дали создаваат штетни соединенија откако ќе се измијат и какво е нивното влијание врз животната средина.
За повеќе корисни стории посетете ја рубриката Агро вести, како и нашите групи на Facebook и Вибер.
Доколку нешто продавате или купувате посетете го огласникот WWW.PETEL.MK
