Семките од тиква се користат за медицински цели со векови, тие се богат извор на магнезиум, калциум, калиум, железо, цинк и витамин К.
Освен тоа, семките од тиква содржат и омега 3 масни киселини кои му се потребни на телото за одржување на здравјето на срцето и регулирање на крвниот притисок.
Во продолжение прочитајте за нивните здравствени придобивки.
Го намалуваат ризикот од рак
Истражување спроведено од шпански научници покажало дека семките од тиква содржат соединенија кои успешно се борат со клетките на ракот. Друго истражување на германски научници потврдило дека жените кои поминале низ менопауза и секојдневно јадат семки од тиква имаат 23% помал ризик од рак на дојка.
Добри се за здравјето на простатата
Маслото од семки од тиква се користи за лекување на зголемена простата (хиперплазија). Ова масло содржи фитохемикалии и антиоксиданси кои го намалуваат нивото на слободните радикали во телото и го спречуваат создавањето на канцерогени клетки.
Ги ублажуваат симптомите на менопаузата
Ако барате природен начин да го подобрите вашето расположение или да ги олесните симптомите на менопаузата, семките од тиква би биле одличен избор. Ја намалуваат болката во зглобовите и ја намалуваат зачестеноста на наглите промени на расположението. Меѓу другото, го зголемуваат нивото на добриот (HDL) холестерол и го регулираат крвниот притисок.
Го намалуваат холестеролот
Истражувањата покажале дека семките од тиква можат да го намалат лошиот холестерол за 13 проценти, а нивото на вкупниот холестерол за 10%. Исто така, можат да го намалат и ризикот од згрутчување на крвта, кардиоваскуларни болести, мозочен удар и срцев удар.
Штитат од дијабетес
Семките од тиква се богати со здрави незаситени масни киселини. Утврдено е дека тие се ефикасни за регулирање на нивото на шеќер во крвта. Експертите ги препорачуваат семките од тиква како секојдневна храна за дијабетичарите.
Добри се за слабеење
Семките од тиква се богат извор и на влакна и протеини, супстанци кои се клучни за слабеење. Само 30 грама семки од тиква содржат околу 5 грама протеини, што ќе ве држи сити подолго време. Сепак, консумирајте ги умерено бидејќи една шолја семки содржи околу 285 калории.
Го подобруваат расположението
Одлични се за физичко и ментално здравје. Научниците откриле дека семките од тиква даваат одлични резултати во намалувањето на симптомите на депресија, стрес и анксиозност.
Го намалуваат ризикот од остеопороза
Луѓето на кои им недостасува цинк во телото треба да консумираат семки од тиква. Тие се одличен извор на цинк, минерал кој е потребен за градење на коските. Само четвртина чаша семки од тиква содржи дури 17 проценти од препорачаната дневна вредност на цинк.
За повеќе корисни стории посетете ја страната на zemjodelie.mk, како и Земјоделските групи на Facebook и Вибер.
А доколку нешто продавате или купувате посетете го огласникот WWW.PETEL.MK
