Овоштарите во Франција велат дека се тешко погодени од зголемувањето на трошоците. Објаснуваат дека им се потребни дополнителни 0,20 евра за килограм за да го зачуваат производството.
Во знак на протест, одгледувачите на јаболка во Франција ги корнат дрвјата. Локалното здружение на производители на јаболка и круша (ANPP) објави објава на LinkedIn за акцијата. Велат дека се тешко погодени од зголемувањето на трошоците и објаснуваат дека за спас на производството им се потребни дополнителни 0,20 евра за килограм.
Во неколку региони се решија на овој чекор по повеќемесечно предупредување за потребата од покачување на цените за производителите.
Неодржлива состојба
Поради се поскапите инпути, одгледувањето јаболка и круши стана неодржливо. На објавените фотографии се гледа како револтирани луѓе откорнуваат, сечат и палат соборени дрвја. Во Анже, Авињон, Монтобан, Лимузен и Високите Алпи се собраа неколку стотици од нив за да ги покажат тешкотиите со кои се соочуваат.
„Франција е земја која произведува јаболка и сега секој ден исчезнуваат во просек по 1,26 хектари овошни насади “, предупреди оваа организација. Понатамошното намалување на површините е неминовно доколку не се усогласат цените.
Одличен одзив во медиумите
Даниел Совејтре, претседател на АНПП, во интервју за Реусир потврди дека акцијата поминала добро и имала силен одзив во медиумите. Се плашеа дека јавноста погрешно ќе ги разбере. Нивната цел беше да ја пренесат пораката на секторот за проблемите што ги зафатија и ги предизвикуваат да застанат на работ од пропаст.
Бараното зголемување не е големо, но се чини недостижно за овоштарите. Доколку откупувачите и преработувачите не ја сфатат сериозноста на ситуацијата, Sauvaitre стравува дека ќе биде тешко да се зауздаат производителите.
Франција е трет производител на јаболка во Европската унија, со 13,3 милиони тони во 2021 година.
За повеќе корисни стории посетете ја рубриката Агро вести, како и нашите групи на Facebook и Вибер.
Доколку нешто продавате или купувате посетете го огласникот WWW.PETEL.MK
