Заедно со лебот и тестенините, оризот и компирот сè уште се најпопуларни додатоци за главните јадења. Затоа, се поставува прашањето – кој избор е поздрав – оризот или компирот?
Сооднос на калории, масти и протеини во оризот и компирот
Ако сакате да изгубите тежина и сакате да ја контролирате енергетската вредност на храната што ја јадете, оризот и компирот се соодветна храна. И двете се речиси без маснотии (помалку од 1 g на 100 g), но компирот победува со помала енергетска вредност (компир: 77 kCal/100 g, варен бел ориз: 360 kCal/100 g). Од друга страна, оризот има малку повеќе протеини (2,8 g/100 g, компирот 2 g/100 g).
Сооднос на влакна во оризот и компирот
Излупениот варен компир има повеќе влакна од белиот ориз, додека новите компири со кора имаат приближно исто количество влакна како и оризот од цело зрно. Наместо бел ориз и пире од компири или помфрит, одлучете се за печен компир или ориз од цело зрно ако сакате да го зголемите внесот на влакна.
Односот на витамини и минерали
Во основа, компирот е побогат со витамини и минерали од оризот. Така, една порција варен бел ориз задоволува приближно една третина од дневните потреби за витамин Б6. Тој е важен за формирање на амино киселини и црвени крвни зрнца. Додека порција варен компир ви обезбедува половина од оптималната дневна доза на витамин Б6.
Дополнително, со порција компири добивате половина од препорачаната дневна количина на витамин Ц. Двете намирници содржат и други витамини, како што се тиамин (Б1) и рибофлавин (Б2). А што е со минералите? Двете намирници содржат приближно исто количество на магнезиум, цинк и фосфор, додека компирот е водечки во содржината на калиум (речиси колку бананите), фосфор и калциум.
Компир vs. ориз – кој прилог е поздрав?
Како што видовме, компирот има повеќе витамини и други хранливи материи од оризот. Но, ако сакаме да го искористиме неговиот поволен состав, попрво треба да се откажеме од масните адитиви, како што се путерот, павлаката, сланината или сирењето, со кои сакаме да ги „зачинуваме“ јадењата од компири. Наместо тоа, користете маслиново масло и лук.
Конечно, важен фактор е рокот на траење на храната. Оризот се чува долго време и затоа ги задржува хранливите состојки подолго, во споредба со компирот.
За повеќе корисни стории посетете ја рубриката Агро совети, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
