Руската страна смета дека е неразумно продолжувањето на истанбулските договори за извоз на храна преку црноморската рута. Не се постигнати конкретни резултати, изјави заменик-министерот за надворешни работи на Русија Сергеј Вершинин.
Во интервју за РТВ 1, рускиот дипломат изјави дека ставот на Русија за можното ново продолжување на овој договор за уште 120 дена почнувајќи од март не е променет, пренесува ТАСС.
– Нема опипливи резултати во спроведувањето на меморандумот Русија-ОН. Пред се без реално укинување на ограничувањата за извоз на земјоделски производи од Русија. Го разгледуваме концептот на договорите од Истанбул и продолжување на лиценците за извоз на земјоделски производи од Украина. Тој станува неразумен – рече Вершинин.
Т.н Црноморската иницијатива за извоз на украинска храна усвоена на 22 јули минатата година во Истанбул првично беше ограничена на 120 дена, до 18 ноември 2022 година, потсети Вершинин.
– Подоцна, со согласност на сите страни, договорот беше продолжен за уште 120 дена, до 18 март годинава – рече рускиот функционер. Додаде дека спроведувањето на Договорот за жито склучен минатото лето во Истанбул „не може да се смета за задоволително“.
– Се спроведува само црноморската иницијатива за извоз на украинска храна и тоа во формат далеку од првично декларираните хуманитарни цели. Од вкупно 70 испораки составени од сточна пченка и сточна храна, 47 се транспортирани главно во земји со високи приходи и животен стандард. 33 во земји со приходи над просекот. Само 3 товари се испорачани на сиромашните земји на кои им е најпотребна помош. Такви се Сомалија, Етиопија, Јемен, Судан, Авганистан и Џибути – претстави Вершинин.
Руските земјоделски производи не се експлицитно наведени на списокот на западни санкции. Сепак Москва укажува дека пречките за новото продолжување на договорите што произлегуваат од спогодбите во Истанбул и извозот на руски житарки и ѓубрива се блокади на монетарните трансакции и плаќања, логистика и осигурување.
За повеќе корисни стории посетете ја рубриката Агро вести, како и нашите групи на Facebook и Вибер.
Доколку нешто продавате или купувате посетете го огласникот WWW.PETEL.MK
