Секое вино има животен век и тоа зависи од многу фактори. Истото важи и за опстанокот на виното по отворањето, бидејќи веќе неколку часа по отворањето на шише вино, тоа се сменило, особено по неколку дена.
Колку сето тоа негативно ќе се одрази на виното, освен од средината во која се чува, зависи и од квалитетот на виното. По консумирањето, виното треба да се затвори со затворач, се препорачуваат гумени, вакуумски затворачи, а потоа да се чува на ладно место, визба или фрижидер. Вака подготвено виното може да стои неколку дена со минимално губење на квалитетот.
Кога ќе го отвориме шише вино, тоа почнува да апсорбира кислород, а неговиот вкус и ароматични својства постепено испаруваат. Тоа не се случува веднаш. На пример, половина час е дури и корисен. Откако ќе се отвори шише вино, тоа почнува да „комуницира“ со воздухот, кој ги открива сите негови квалитети.
Белите и црвените вина се највкусни првиот ден, но после тоа мора да се затворат доколку не сте ги испиле
Отворените слатки и розе вина траат уште подолго, остануваат свежи пет до десет дена, доколку се добро затворени. Најдобро е да ги чувате во фрижидер затворени со тапа од плута.
Кога ќе ставите отворено шише црвено вино во фрижидер, го чувате на контролирана температура и ќе биде на темно место. Поладна температура исто така ќе ја забави оксигенацијата.
За повеќе корисни стории посетете ја рубриката Агро совети, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
