Карфиолот може да се користи и како нискокалорична алтернатива со помала содржина на јаглени хидрати од компирите за вкусно пире.
Ова пире можете да го послужите со печено месо, риба и зеленчук.
Карфиолот термички се обработува за помалку време од компирот и му дава на јадењето неодоливо слатка нота.
Пирето ќе биде повкусно ако изберете свеж карфиол. Свежиот карфиол ќе го препознаете по цврстите и зелени листови и екстремно светлите цветови без никакви оштетувања или темни дамки.
Не ви треба многу време или состојки за да направите вкусно пире од карфиол. Ви го пренесуваме најлесниот рецепт кој гарантира највкусни резултати.
Состојки:
1 голема главица карфиол
една лажица путер
1 лажица намаз од сирење
½ лажичка сенф
сол и бибер по желба
свеж власец за сервирање
Подготовка:
Отстранете ги листовите и корените од цветовите на карфиолот.
Цветовите исечкајте ги на помали, еднакви делови и варете ги во топла вода додека не омекнат. Ќе ви требаат околу 10 минути.
Карфиолот исцедете го и ставете го во блендер заедно со путер, намаз од сирење, сенф, сол и бибер.
Блендирајте додека карфиолот не се претвори во мазно пире, а потоа послужете со свежо сечканиот млад лук. Добар апетит!
За повеќе корисни стории посетете ја рубриката храната како лек, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
