Рецепт за мед од глуварче

Мед од глуварче е природен лек за кашлица и имунитет по рецепт на нашите баби.

Од корен до врв, глуварчето е лековито растение кое долго време се користи во народната медицина за лекување на разни болести.

Од ова растение обично се подготвуваат чаеви, од листовите се подготвува салата, но од цветовите можете да направите исклучително здрав и вкусен мед или џем од глуварче.

Мед од глуварче најчесто се користи за лекување на респираторни инфекции, го зачувува здравјето на белите дробови, го зајакнува имунитетот и е одличен за детоксикација.

Секое утро земајте по една лажичка мед од глуварче, ќе добиете одличен еликсир за здравјето на целиот организам.

Рецепт за мед од глуварче

Состојки:

200 свежо набрани цветови од глуварче
1 лимон
1 портокал
2 литри вода
2 кг шеќер

Подготовка:

Важно е да се бере цвеќето во чиста и незагадена област, во природа и во рурална средина – каде што нема премногу автомобили, прашина, загадување. Соберете ги цвеќињата и целосно отстранете ги зелените лисја и стебла.

Важно е да останат само цветовите, па убаво да се измијат во ладна вода. Цветовите се ставаат во тенџере, се прелеваат со 2 литри вода и се варат на силен оган. Кога ќе зоврие, треба да готвите уште 20 минути

Покријте го тенџерето за време на готвењето. После тоа се цеди и се истура добиената течност во поголемо тенџере. Се додава шеќерот и се става да се готви на средна температура. Мешајте постојано додека не видите дека шеќерот се стопи и смесата се згусне.

Измијте ги лимонот и портокалот, па исечкајте ги и додајте ги во медот. Важно е плодовите да се од органско потекло, бидејќи мора да ги ставите во медот со кората.

Мешајте и варете додека медот не се згусне, па тргнете го од оган да се излади. Добиениот мед заедно со целото овошје истурете го во чисти тегли, покријте го и чувајте го на ладно и темно место.