Рукола – ароматично растение кое на салатите им дава препознатлив вкус, а малкумина знаат дека е многу добро и за здравјето.
Ова растение содржи ретинол, витамин Б, витамин Ц, витамин К, магнезиум, калциум, железо, калиум, бакар, цинк, селен, јод, натриум и друго.
Ова се само неколку причини зошто треба да почнете да го јадете ова растение:
Го подобрува видот
Руколата содржи каротеноиди, природни супстанции кои можат многу да го подобрат видот кај луѓето. Каротеноидите се познати по нивната способност да ја неутрализираат макуларната дегенерација, според која може да се оштети централното видно поле.
Всушност, макуларната дегенерација во окото може да предизвика катаракта. Па ако ви треба храна за здравјето на очите, треба да вклучите рукола во вашата исхрана.
Ги зајакнува коските и мозокот
Витаминот К промовира остеотрофична активност во клетките, што значи дека помага во формирањето и зајакнувањето на коските. Постепеното деградирање на нервните патишта, како во случајот со Алцхајмерова болест, може да се забави со зголемување на внесот на витамин К во исхраната. Со оглед на тоа што е добар извор на витамин К, руколата се наведува како мал, но вреден, превентивен метод за овој тип на болест.
Одлична е за трудници
Руколата е одличен избор како додаток во исхраната за трудници. Докажано е дека фолатите, кои вклучуваат фолна киселина, ја намалуваат појавата на одредени ментални дефекти кај бебињата. Руколата е богата со фолна киселина, како и повеќето зелени зеленчуци.
Руколата како сојузник за слабеење
Како и другите зелени зеленчуци, руколата е исто така еден од многу нискокалоричните зеленчуци. Па така 100 грама свежи листови рукола содржат само 25 калории. Доколку барате природна храна која е сојузник за слабеење, не заборавајте да ја вклучите руколата во вашето мени.
За повеќе корисни стории посетете ја рубриката Агро Вести, како и нашите социјални мрежи Facebook и Viber и Telegram.
Доколку нешто продавате или купувате посетете го огласникот WWW.PETEL.MK
