Увозот на вино во Русија во периодот од јануари до октомври годинава е зголемен за шест отсто на годишно ниво, а стоката најмногу пристигнува од запад, соопшти Федералната царинска служба.
Според презентацијата објавена на Рускиот вински форум, увозот на вино во таа земја се зголемил на 532.400 метрички тони за 10 месеци од оваа година во споредба со 501.100 метрички тони во истиот период во 2022 година, пренесе ТАСС.
Најголем обем на увоз доаѓа од Италија, потоа Грузија, Шпанија, Франција, Португалија, Чиле, Германија, Јужна Африка, Нов Зеланд…
Дополнително, извозот на руско вино во наведениот период се зголемил за двојно – на 2.800 метрички тони, соопшти Царинската служба. Виното од Русија главно се доставувало во Кина и Абхазија.
За повеќе корисни стории посетете ја рубриката Агро Вести, како и нашите социјални мрежи Facebook и Viber и Telegram.
Доколку нешто продавате или купувате посетете го огласникот WWW.PETEL.MK
