Варена пченка со пепел рецепт. Многу од помладите немаат чуено дека порано бабите и мајките кога ја вареа пченката во неа ставаа пепел.
Дали знаете зашто се става пепел во пченката?
Еве го рецептот за варена пченка со пепел.
Пченката ја ставаме во подлабок сад да се вари на оган.
После половина час ја додаваме пепелта и оставаме уште половина час да се вари на оган при тоа поремено промешуваме.
Се трга од оган и се остава да се излади.
Со цедалка се цеди и се трие со раце за да излезат црнките од пченката.
Повторно ја миеме и ја ставаме повторно на оган да се вари уште 1 час.
После еден час постапката ја повторуваме ја вадиме пченката ја процедуваме и ја миеме под млаз вода и повторно ја ставаме да се вари сега околу 2 часа.
Од кога ќе се свари пченката и ќе омекне ја засладуваме со шеќер по желба.
Со овој десерт пораснаа многу генерации и беше одлична и здрава замена за денешниве милки, нутели …
Поздрав добри луѓе се надеваме дека тие што знаеа за овој рецепт се присетија а тие што првпат слушаат можеби ќе се обидат да го направат.
Варена пченка со пепел рецепт. Зошто се става пепел? Пепелот во пченката се става за полесно да се излупи барем така ми кажала баба ми.
Придружете се на нашата заедница на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
