Најавен ловечки испит на 20 ноември во Скопје – Министерството за земјоделство, шумарство и водостопанство соопшти дека на 20 ноември 2025 година (четврток), со почеток во 11:00 часот, ќе се одржи ловечки испит во просториите на Факултетот за шумарски науки, пејзажна архитектура и екоинженеринг „Ханс Ем“, лоциран на ул. „16 Македонска бригада“ бр. 1, во Скопје.
Испитот ќе го спроведе стручната комисија за полагање на ловечки испит, во согласност со пропишаните правила и процедури.
На 18 ноември 2025 година, на официјалната веб-страница на Министерството ќе биде објавен списокот на кандидати кои ќе можат да полагаат на испитот.
Од Министерството информираат дека сите кандидати кои поднеле комплетно Барање за полагање ловечки испит до архивата на Министерството најдоцна до 17 ноември 2025 година, ќе имаат право да полагаат. Барањата доставени по наведениот рок нема да се разгледуваат и ќе бидат префрлени за разгледување во наредната година.
Испитот претставува важен чекор во процесот на добивање дозвола за лов и потврда на стручните знаења и одговорноста на идните ловци.
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
