МЗШВ објави дека се реализирани исплати во вкупен износ од над 237 милиони денари финансиска поддршка за македонските земјоделци, преку повеќе мерки од програмите за земјоделство и рурален развој.
Средствата се исплатени кон земјоделци и корисници кои аплицирале и ги исполниле условите предвидени со програмите за поддршка, а се однесуваат на повеќе различни мерки насочени кон развој на земјоделството, сточарството и руралните средини.
Според објавените податоци, исплатите се распределени по следните мерки:
- Интервентен фонд – мерка 1.2 „Произведено вино“ – исплатени 59.942.278 денари за 39 корисници
- Мерка 213 „Плата за овчари“ – исплатени 34.089.868 денари за 43 корисници
- Мерка 112 „Млади земјоделци“ – исплатени 17.815.422 денари за 48 корисници
- Мерка 121.7 „Комбајни за ориз“ – исплатени 28.779.597 денари за 48 корисници
- Програма за рурален развој – исплатени 96.661.300 денари за 34 корисници, наменети за набавка на добиток, поддршка за задруги, субвенционирање на каматни стапки и техничка помош.
Овие средства претставуваат дел од тековната финансиска поддршка што државата ја обезбедува за земјоделскиот сектор, со цел да се подобри производството, да се зајакне конкурентноста на земјоделците и да се поттикне развојот на руралните средини.
Поддршката преку различни мерки е особено значајна за младите земјоделци, сточарите и производителите, како и за модернизација на земјоделската механизација и развој на земјоделските задруги.
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
