Во зимските денови, топлото чоколадо за многумина е еден од омилените пијалоци. Освен што е примамливо и неодоливо вкусно, најголемата придобивка од овој пијалок е што ги смирува нервите, односно има антистрес дејство.
Топлото чоколадо стимулира ослободување на хормонот ендрофин, кој е задолжен за подигнување на расположението. Затоа, не двоумете се и конзумирајте по една чаша секој ден.
Можете да направите сами и тоа во понискокалорична и поздрава варијанта.
Состојки:
200 мл. млеко
150 гр. темно чоколадо
200 мл. слатка павлака
една мала лажица кафеав шеќер
по желба додадете цимет, рум, мускатно оревче и сл.
Измешајте ги млекото и слатката павлака и ставете ги да се варат на тивок оган. Чоколадото исецкајте го на ситни парчиња. Кога ќе зовријат млекото и павлаката, ставете го сецканото чоколадо и шеќерот и мешајте се додека не добиете густа кремаста смеса. Ако ви се направат грутки, употребете миксер. Подготвеното топло чоколадо сипете го во чаши, декорирајте по желба и уживајте во неодоливиот вкус.
За повеќе корисни стории посетете ја рубриката Агро забава, како и нашите социјални мрежи Facebook, Viber и Telegram.
Доколку нешто продавате или купувате посетете го огласникот WWW.PETEL.MK
