Зголемувањето на цените на говедското месо е предизвикано од зголемената побарувачка од Кина, ограничените резерви на добиток во некои земји, недостигот на работници во кланиците и зголемувањето на цените на храната.
Цените на говедското месо почнаа да растат низ целиот. Аргентина, вториот по големина снабдувач во Кина (по Бразил), престана да извезува ваков вид месо за еден месец на 17-ти мај. Ова се должеше на големата побарувачка од Азија и намалувањето на залихите на локално ниво, но и инфлацијата.
Растот е поттикнат од зголемената побарувачка од Кина. Исто така и ограничените резерви на добиток во некои земји, недостигот на работници во кланиците и сточната храна која чини се повеќе и повеќе.
“Цената на месо е премногу висока, тоа е лудо “, изјави 38-годишниот Fernanda Alvarenga од Буенос Аирес. Таа вели дека затоа започнала да ја конзумира оваа храна само еднаш неделно. Објаснува дека месото ја чини месечно од 4.000 до 5.000 пезоси (160 до 200 евра). „ Претходно можевте да купите многу повеќе за истата сума “, посочува таа, велејќи дека цените скокнале за повеќе од 60 проценти.
Во исто време, потрошувачката по глава на жител падна на најниско ниво во сто години во април. Жителите се жалат дека говедското месо станало недостапно за нив. Инфлацијата ги принуди да јадат ни помалку ни повеќе туку палента.
Незситната Кина
Во првите четири месеци од 2021 година Кина увезла 178.482 тони говедско месо од Аргентина, во споредба со 152.776 тони минатата година. Оваа земја го зголеми увозот откако африканската свинска чума ги уништи тамошните стада свињи.
Извозот на говедско месо од САД во Кина во март достигна месечен рекорд од 14.552 тони. Тоа е далеку над вкупните пратки во текот на 2019 година.
” Порано се консумираше најчесто во ресторани. Но, тоа станува сè попопуларно и во локалната кујна “, рече Пан Ченџун , виш аналитичар во Рабобанк.
Цената на овој вид месо во Кина на крајот на минатиот месец беше за 4,4 проценти повисока од минатата година. Додека пак свинското месо пониско за 27,9 проценти, според тамошните податоци на Министерството за земјоделство.
„За Кина е поекономично да увезува од земји како Аргентина и Бразил поради депресијација на валутата и ослабување на локалната побарувачка “, објасни Упали Галкети Аратчилаге , виш економист во Агенцијата за храна и земјоделство на ООН (ФАО). Сепак, тој посочува дека домашните резерви по повисоки цени може да страдаат како резултат.
Раст и во САД и во Бразил
Соединетите држави и Бразил сè уште се борат да ги надополнат домашните залихи на замрзнато говедско, пилешко и свинско месо по извозот во Кина минатата година. Во исто време, просечната цена на свежо говедско месо во април се зголеми за 5 проценти во споредба со март и за околу 10 проценти во споредба со претходната година, според податоците на NielsenIQ. Свинското и пилешкото месо се зголемија за околу 5,4 проценти во споредба со минатата година.
Иако снабдувањето со добиток во САД е доволно, производството на говедско месо е ограничено од недостаток на работна сила и капацитет за преработка во кланиците, тврдат производителите на месо. Тие се соочуваат со повисоки трошоци за храна, а цените на сојата и пченката се исто така високи.
Заедно со Хонг Конг, Кина купува 60 проценти од целото говедско месо извезено од Бразил.
Сепак, високите цени ја намалија потрошувачката кај Бразилците за 14 проценти на најниско ниво во последните 25 години. Потрошувачите се принудени да се свртат кон поевтини варијанти како свинско, пилешко и јајца.
За повеќе корисни стории посетете ја рубриката Агро вести, како и нашите групи на Facebook и Viber.
