Кина ќе воведе високи даноци за австралиските вина. Во следните пет години, ќе ги зголеми увозните давачки за австралиските вина, во некои случаи и повеќе од 200 проценти.
Оваа одлука е донесена поради се повеќе затегнатите односи меѓу Пекинг и владата во Канбера. Тие започнаа се повеќе да се се влошуваат. Искрата разгоре откако на кинеската компанија „Huawei“ и беше одземена лиценцата за воспоставување на 5G мрежа во Австралија.
До избувнувањето на спорот, Австралија беше втор најголем извозник на вино во Кина (зад Франција и пред Чиле). Имаше удел на пазарот од околу една третина. За само десет години, тие успеаја да го зголемат извозот на вино во Кина од околу 80 милиони долари на повеќе од милијарда во 2018 година. Но, тогаш во 2019 година, со првите знаци на влошени односи меѓу двете земји, извозот падна на 840 милиони, за да достигне 790 милиони во 2020 година.
Се верува дека новите помножени даноци може скоро целосно да го запрат извозот на вино од Австралија во Кина. Доколку се случи тоа, ќе биде интересно да се види која држава ќе ја пополни таа огромна празнина на полиците за вино во Кина.
За повеќе корисни стории посетете ја рубриката Агро вести, како и нашите групи на Facebook и Viber.
