Скакулци можат да остават разорна трага во градината и ако не ја решиме ситуацијата брзо, ќе имаме голем проблем. За среќа, нивниот број може да се контролира на сосема природен начин.
Скакулци можат многу брзо да уништат градина. Имено, тие можат да јадат околу 50% од својата тежина секој ден. Без оглед во кој животен циклус се наоѓаат, тие ќе ги џвакаат стеблата и листовите на растенијата без милост. Ако нивниот број не се контролира, тие можат да предизвикаат сериозна штета.
Постојат неколку природни лекови кои можат да се користат против скакулци, а овие два што ќе ги претставиме сите ги имаме дома.
Спреј од лук
Мирисот на лук може да помогне во одвраќање на скакулци и други вообичаени штетници во градината. За да се подготви овој спреј, потребно е да изгмечете 5-6 чешниња лук и да се прелијат со 10 чаши вода, а потоа да се загрее до вриење. Подготовката оставете ја да отстои преку ноќ.
Потоа, се филтрира, а пред нанесувањето, треба да се разредат еден дел од подготовката на лук и три дела вода. Растворот се прска врз листовите на заразените растенија. Погрижете се и за долната страна на листовите.
Брашно против скакулци
Брашното ќе ги убие скакулците со гладување. Кога скакулец јаде лист со брашно, тоа му ја затестува устата, го оневозможува да јаде и на крајот умира од глад. Сурово е, но тие се сурови и кон растенијата, бидејќи не ги оставаат додека не ги уништат. Можете да користите какво било брашно од пченица, и потребно е да го посипете во тенок слој на растенијата.
За повеќе корисни стории посетете ја рубриката Агро совети, како и нашите социјални мрежи Facebook и Viber.
